The Great Lie سب سے بڑا جھوٹ

       وَ مَنْ اَصْدَقُ مِنَ اللّٰهِ قِيْلًا  (۱۲۲ ) (سورہ النساء)       

ترجمہ: اور اللہ سے زیادہ بات کا سچا کون ہوسکتا ہے ۔

 ہمارا اللہ سچا ہے۔ ، ہمارے نبی ﷺ سچے ہیں ۔

 ایمان والے،  اللہ کے متقی و پرہیزگار بندے  بھی سچے ہوتے ہیں اور سچوں کے ساتھ رہتے ہیں۔

جیسا کہ ارشاد باری تعالٰی ہے:

يٰۤاَيُّهَا الَّذِيْنَ اٰمَنُوا اتَّقُوا اللّٰهَ وَ كُوْنُوْا مَعَ الصّٰدِقِيْنَ (۱۱۹ )

 ترجمہ:   اے  ایمان  والو !  الله  سے   ڈرو  اور صرف  سچوں  کے  ساتھ  رہو۔   (سورہ توبہ) 

سچائی  انسان  کے  اندر  بہت  سی  خوبیوں  کو  جلا بخشنے  کا  سبب  بنتی  ہے۔   

سچائی  انسان  کو  گمراہیوں  سے  روک  کر بہت  سی  برائیوں  کے  ارتکاب  سے  معاشرے  کو پاک  رکھتی  ہے ۔ 

 سچ  عظم  عمل  ہے ،  اس  لیے  الله  سبحانہٗ  و  تعالٰی  کے  نزدیک  سچے  لوگوں  کا  اعلیٰ  رتبہ  ہے ۔   اللہ سبحانہٗ و تعالٰی اپنے سچے بندوں کا رتبہ یوں بیان کرتا ہے:

وَ مَنْ يُّطِعِ  اللّٰهَ وَ الرَّسُوْلَ فَاُولٰٓىِٕكَ  مَعَ  الَّذِيْنَ اَنْعَمَ اللّٰهُ عَلَيْهِمْ مِّنَ  النَّبِيّٖنَ  وَ  الصِّدِّيْقِيْنَ۠  وَ  الشُّهَدَآءِ  وَ  الصّٰلِحِيْنَ١ۚ  وَ   حَسُنَ   اُولٰٓىِٕكَ   رَفِيْقًاؕ  (۶۹)    (سورہ النساء)    

ترجمہ:    او ر جو  الله  کی  اور اس  کے  رسول  ﷺ کی  اطاعت  کرے  گا  تو  ایسے  لوگ  ان  لوگوں  کے  ساتھ  ہوں  گے  جن  پر  الله  نے  انعام فر مایا  ہے،  یعنی انبیاء،      صدیقین،  شہدا اور  صالحین  کے  ساتھ ۔ کیا  ہی  خوب  ہیں  یہ  رفقاء   رفاقت  کے  لیے۔

      

اور  جو شخص سچائی  سے  انحراف کرکے جھوٹ   کا  سہارا   لیتا  ہے   وہ  اللہ  سبحانہٗ و تعالٰی  اور  انسانوں  کے  نزدیک   بہت   بُرا   ہے  اور  اس   کا   اعتبار  نہیں  کیا  جاتا۔   وہ  غیروں  کے  ساتھ ساتھ    اپنوں  کو بھی  دھوکہ  دے   سکتا  ہے۔ جھوٹ  بولنا  ایک  نہایت  ہی  قبیح   وصف  ہے،  گناہِ  کبیرہ  اور  سنگین  فحش  ترین  جرائم  ہے۔ جو  جھوٹ  بولتے  ہیں  وہ  طاغوت  کے پیروکار  ہیں۔  جھوٹ  تو انہی  کو  زیبا  ہے،   جن  کا  اللہ  پہ  ایمان   کامل   نہ   ہو   جو اللہ  سے  نہیں  ڈرتے اور جن  کو   اللہ کی   سزا  کا  ڈر  نہ   ہو   جو  انہیں  جھوٹ  سے  روک  سکے۔

ارشاد باری تعالٰی ہے:

اِنَّمَا يَفْتَرِي الْكَذِبَ الَّذِيْنَ لَا يُؤْمِنُوْنَ بِاٰيٰتِ اللّٰهِ١ۚ وَ اُولٰٓىِٕكَ هُمُ الْكٰذِبُوْنَ  (۱۰۵)       (سورہ النحل)

ترجمہ: جھوٹ تووہی باندھتے ہیں جوکہ اللہ تعالیٰ کی آیات کے ساتھ ایمان نہیں لاتے اور یہی لوگ جھوٹے  ہیں۔

لہذا  جھوٹ  و بہتان کی جراٴت تو وہی کرتا ہے، جس کا آیات الٰہیہ پر ایمان نہ ہو اور جو  زندیق ہو،   کافر ہو،  دہریہ ہو۔  مندرجہ بالا آیاتِ میں اللہ کے طرف سے  یہ سنگین وعید ہے۔

’’ اور نبی کریم ﷺ نے فرمایا بلاشبہ سچ آدمی کو نیکی کی طرف بلاتا ہے اور نیکی جنت کی طرف لے جاتی ہے اور ایک شخص سچ بولتا رہتا ہے یہاں تک کہ وہ صدیق کا لقب اور مرتبہ حاصل کر لیتا ہے اور بلاشبہ جھوٹ برایٴ کی طرف لے یاتا ہے اور برایٴ جہنم کی طرف اور ایک شخص جھوٹ بولتا رہتا ہے یہاں تک کہ وہ اللہ کے یہاں بہت جھوٹا لکھ دیا جاتا ہے‘‘          (  بخاری شریف: حدیث نمبر۶۰۹۴) 

اللہ اور اسکے رسول ﷺ پر جھوٹ باندھنا

متعد  احادیث  میں  نبی کریم  ﷺ  پر  افترا  (جھوٹ)  کی  مذمت  کی  گیٴ  ہے،  اس  کی  حرمت  کو  واضح  کیا  گیا  ہے  اور  ایسا  کرنے  والے  کے  بُرے  انجام  کو  بیان  کیا  گیا  ہے۔ بخاری   و  مسلم میں ہے کہ رسول اللہ ﷺ سے  منقول ہے:

’’ بلا شبہ  مجھ  پر  جھوٹ  باندھنا  کسی  اور  پر  جھوٹ  باندھنے  کی طرح  نہیں  ہے۔جس  نے  مجھ  پر  عمدأَ  جھوٹ  باندھا،  وہ  اپنا  ٹھکانا  جہنم  میں  بنا لے‘‘ ) صحیح بخاری ۱۲۹۱ و  صحیح مسلم ۷(

اس  حدیث کی  شرح   میں علامہ قرطبی نے تحریر کیا ہے:۔

آنحضرت ﷺ پر  جھوٹ  بولنے  کی  سزا ز یادہ  سخت  ہے،  کیونکہ  ایسا  کرنے  میں  جھوٹ  بولنے  کے  بارے  میں  دیدہ  دلیری  زیادہ  ہے،  اور  اس کا  نقصان  بھی  زیادہ  ہے  کیونکہ  یہ  درحقیقت  اپنی  طرف  سے  شریت  سازی  یا  اپنی  طرف  سے  اس  میں  تبد یلی  کرنا  ہے۔  آپ ﷺ کی  طرف  جھوٹی  بات  منصوب  کرنا  اللہ سبحانہ‘و   تعالیٰ  کی  طرف  جھوٹی  بات  کی نسبت  کرنا  ہے اور   اللہ سبحانہ‘و   تعالیٰ   پر  جھوٹ  باندھنے  والے  پر  درج  ذیل  آیت  میں  شدید  تنقید  کی  گیٴ  ہے:

وَ مَنْ اَظْلَمُ مِمَّنِ افْتَرٰى عَلَى اللّٰهِ كَذِبًا اَوْ كَذَّبَ بِاٰيٰتِهٖ١ؕ اِنَّهٗ لَا يُفْلِحُ الظّٰلِمُوْنَ   (۲۱)  (سورة الأنعام(

ترجمہ:    اور اس سے بڑھ کر ظالم کون ہے، جو اللہ پر جھوٹ باندھے یا اس کی آیتیں جھٹلائے، بیشک ظالم فلاح نہ پائیں گے۔

وَ يَوْمَ الْقِيٰمَةِ تَرَى الَّذِيْنَ كَذَبُوْا عَلَى اللّٰهِ وُجُوْهُهُمْ مُّسْوَدَّةٌ١ؕ اَلَيْسَ فِيْ جَهَنَّمَ مَثْوًى لِّلْمُتَكَبِّرِيْنَ (٦٠)   سورة الزمر

ترجمہ:    اور جن  لوگوں  نے  اللہ  پر  جھوٹ  باندھا  ہے  تو  آپ  دیکھیں  گے  کہ  قیامت  کے  دن  ان  کے  چہرے  سیاه  ہوگئے  ہوں  گے  کیا  تکبر  کرنے  والوں  کا ٹھکانا  جہنم  میں نہیں؟

سب سے بڑا جھوٹ

توحیدِ  باری تعالیٰ   کائنات کی سب سے بڑی سچائی ہے   جبکہ شرک و  الحاد  سب سے بڑا  جھوٹ  ہے۔

هٰۤؤُلَآءِ  قَوْمُنَا  اتَّخَذُوْا مِنْ دُوْنِهٖۤ اٰلِهَةً١ؕ لَوْ لَا يَاْتُوْنَ عَلَيْهِمْ بِسُلْطٰنٍۭ بَيِّنٍ١ؕ فَمَنْ اَظْلَمُ مِمَّنِ افْتَرٰى عَلَى اللّٰهِ كَذِبًا  )١٥)  سورة الكهف

ترجمہ:    یہ ہماری قوم تو ربِّ کائنات کو چھوڑ کر دوسرے خدا بنا بیٹھی ہے یہ لوگ ان کے معبود ہونے پر کوئی واضح دلیل کیوں نہیں لاتے؟ آخر اُس شخص سے بڑا ظالم اور کون ہو سکتا ہے جو اللہ پر جھوٹ باندھے؟

لیکن آج مسلمانوں  کی اکثریت نے بھی  دشمنانِ اسلام  ہنود‘  یہود  و  نصاریٰ  کے  نقش  قدم  پہ  چلتے  ہوئے  توحیدِ  باری تعالیٰ  کو چھوڑ  کر  ہر  طرح  کی  شرک  میں  غرق  ہیں۔

نماز میں ’’ اِيَّاكَ نَعْبُدُ وَ اِيَّاكَ نَسْتَعِيْنُؕ ہم تیری ہی عبادت کرتے ہیں اور تجھی سے مدد مانگتے ہیں ‘‘  پڑھتا  ہے  اور  سلام  پھیرتے  ہی  یا علی  یا غوث یا خواجہ  یا  داتا  وغیرہ کو دعا میں پکارتا ہے ۔ اللہ کے بندوں! قرآن و حدیث سے کویٴ  ایک بھی دعا دکھا دو جس میں یا علی یا غوث یا خواجہ  یا  داتا  وغیرہ  ہو۔  پھر  کہتے ہو یہ شرک نہیں ‘ اس سے بڑا جھوٹ اور کیا ہوگا۔

بزرگوں کی قبروں پر قبے تعمیر کرنا ‘ان پر مجاوری کرنا ‘ ان کی تزئین وآرائش کرنا ،ان پر چراغاں کرنا ‘چادر و پھول چڑھانا ‘انہیں غسل دینا ‘عرس اور میلے لگانا ‘ان پر نذرونیاز چڑھانا ‘وہاں کھانا اور شیرینی تقسیم کرنا ‘جانور ذبح کرنا ‘وہاں رکوع وسجود کرنا‘ ہاتھ باندھ کر با ادب کھڑے ہونا ‘ ان سے مرادیں مانگنا ‘  تکلیف اورمصیبت میں انہیں پکارنا ‘ اِن سے اولاد اور  رزق وغیرہ مانگنا‘ ان کے نام کی چوٹی رکھنا ‘ان کے نام کے دھاگے باندھنا ‘ ان کے نام کی دھائی دینا ‘ مزاروں کا طواف کرنا ‘ طواف کے بعد قربانی کرنا اور سر کے بال مونڈوانا ‘ مقبروں کوچومنا چاٹنا‘ بوسہ دینا ‘وہاں سے خاکِ شفا حاصل کرنا ‘ننگے قدم مزار تک پیدل چل کرجانا اور الٹے پاؤں واپس پلٹنا ‘ ڈھول تاشے بجانا ‘ نشہ کرنا‘ ناچنا گانا  اور اخلاق باختہ حرکتیں کرنا وغیرہ وغیرہ شرکیہ افعال ہر چھوٹے بڑے مزار پر روز مرہ کا معمول ہیں ۔ لیکن تم  کہتے ہو یہ شرک نہیں ‘ اس سے بڑا جھوٹ اور کیا ہوگا۔

اس سب سے بڑا جھوٹ  اور سب سے بڑا جھوٹ  ظلم  ’’  شرک کا زہر  ‘‘ جس طرح   پوری قوم کو اپنی لپیٹ میں لے چکی ہے اس سے اس قوم کی ہلاکت اور بربادی  بہت قریب ہے۔ ایسے میں ضروری ہے کہ عقیدہ توحید کا شعور رکھنے والے لوگ انفرادی اور اجتماعی ‘ہر سطح پر شرک کے خلاف جہا دکا عز م کریں ‘ انفرادی سطح پر سب سے پہلے اپنے اپنے گھروں میں اہل وعیال پر توجہ دیں جن کے بارے میں اﷲتعالیٰ کا واضح حکم بھی ہے ۔

اس سے بڑا جھوٹ  اور ظلم  ’’ شرک کا زہر ‘‘ جس طرح   پوری قوم کو اپنی لپیٹ میں لے چکی ہے‘ اس سے اس قوم کی ہلاکت اور بربادی  بہت قریب ہے۔ ایسے میں ضروری ہے کہ عقیدہ توحید کا شعور رکھنے والے لوگ انفرادی و اجتماعی‘ ہر سطح پر شرک کے خلاف جہا دکا عز م کریں انفرادی سطح پر سب سے پہلے اپنے اپنے گھروں میں اہل وعیال پر توجہ دیں جن کے بارے میں اﷲتعالیٰ کا واضح حکم بھی ہے :

يٰۤاَيُّهَا الَّذِيْنَ اٰمَنُوْا قُوْۤا اَنْفُسَكُمْ وَ اَهْلِيْكُمْ نَارًا وَّ قُوْدُهَا النَّاسُ وَ الْحِجَارَةُ عَلَيْهَا مَلٰٓىِٕكَةٌ غِلَاظٌ شِدَادٌ لَّا يَعْصُوْنَ اللّٰهَ مَاۤ اَمَرَهُمْ وَ يَفْعَلُوْنَ مَا يُؤْمَرُوْنَ    (٦)  سورة التحريم

ترجمہ:    اے ایمان والو! تم اپنے آپ کو اور اپنے گھر والوں کو اس آگ سے بچاؤ جس کا ایندھن انسان ہیں اور پتھر جس پر سخت دل مضبوط فرشتے مقرر ہیں جنہیں جو حکم اللہ تعالیٰ دیتا ہے اس کی نافرمانی نہیں کرتے بلکہ جو حکم دیا جائے بجا ﻻتے ہیں۔

اس کے بعد اپنے  عزیز و اقارب  دوست  و احباب  پر  توجہ  دی  جائے  اور  پھر  گلی گلی ‘ محلہ محلہ اوربستی بستی  جا کر  عقیدہ  توحید  کی  دعوت  پیش  کی  جائے  لوگوں  کو  شرک  کی  ہلاکت  خیزیوں  اور تباہ  کاریوں  سے  آگاہ  کیا جائے ۔

اجتماعی  سطح  پر  ملک  میں  اگر  کوئی  گر وہ  یا  جماعت  خالص  توحید  کی  بنیاد  پر  غلبہ  اسلام  کے لئے  جدوجہد کررہی  ہو  تو  اس  کے  ساتھ  تعاون  کیا  جائے  کوئی  فرد  یا  ادارہ  یہ  مقدس  فریضہ  انجام  دے  رہا  ہو  تو  اس  کے  ساتھ  تعاون  کیا جائے ‘ کوئی  اخبار ‘ جریدہ  یا  رسالہ  اس  کارِ خیر  میں مصروف  ہو  تو  اس  کے  ساتھ  تعاون  کیا  جائے ‘ شرک  اپنے  سامنے  ہوتے  دیکھنا  اور  پھر  اسے  روکنے  یا  مٹانے  کے  لئے  جدوجہد  نہ  کرنا  سراسر  اﷲتعالیٰ  کے  عذاب  کو  دعوت  دینا  ہے  ایک  حدیث  شریف  میں  ارشاد  مبارک  ہے:

’’جب  لوگ  کوئی  خلاف  شرع  کام  ہوتے  دیکھیں  اور  اسے  نہ  روکیں  تو  قریب  ہے  کہ  اﷲ تعالیٰ  ان  سب  پر  عذاب  نازل  فرم ادے ‘‘۔  (ابن ماجہ ‘ترمذی)

 ایک  دوسری  حدیث  میں  ارشاد  نبویﷺ ہے: 

’’اس  ذات  کی  قسم  جسکے  ہاتھ  میں  میری  جان  ہے  تم  دوسروں  کو  نیکی  کا  حکم  دیتے  رہو‘ اور  برائی  سے   روکتے  رہو  ورنہ  اﷲتعالیٰ  تم  پر  عذاب  نازل  کردے گا ‘ پھر  تم  اس  سے  دعا  کرو گے  تو  وہ  تمہاری  دعا  بھی  قبول  نہیں  کرے  گا ‘‘۔ (ترمذی)

غور  فرمائیے  اگر  عام  گناہوں  سے  لوگوں  کو  نہ  روکنے  پر  اﷲتعالیٰ  کا عذاب  نازل  ہوسکتا  ہے  تو  پھر  شرک  جسے  خود  اﷲتعالیٰ  نے  سب  سے  بڑ ا گناہ  (ظلم ) قرار  دیا  ہے  ------  کو  نہ  روکنے  پر  عذاب  کیوں  نازل  نہ  ہوگا ؟ رسول اکرم ﷺکا ارشاد ہے :

’’ جو  شخص  خلاف  شرع  کام  ہوتا  دیکھے  تو  اسے  چاہئے  کہ  وہ  اسے  ہاتھ  سے  روکے ‘ اگر  اس  کی  طاقت  نہ  ہو  تو  پھر  زبان  سے  روکے  اور  اگر  اس  کی  بھی  طاقت  نہ  ہو  تو  تو  پھر  دل  سے  سے  ہی  برا  جانے ‘ اور  یہ  ایمان  کا   کمزور   ترین   درجہ   ہے ‘‘۔   (مسلم شریف)

 پس  اے  اہل  ایمان ! اپنے  آپ  کو  اﷲتعالیٰ  کے  عذاب  سے  بچاؤ ‘ اور  ہر  حال  میں  شرک  کے  خلاف  جہاد  کرنے  کے  لئے  اٹھ  کھڑے  ہو ‘ جو  جان  دے  سکتا  ہے  وہ  جان  سے  کرے ‘ جو  مال  سے  کر سکتا  ہو  وہ  مال  سے  کرے ‘ جو  ہاتھ  سے  کر سکتا  ہو  وہ  ہاتھ  سے  کرے ‘ جو  زبان  سے  کرسکتا  ہوں  وہ  زبان  سے  کرے ‘ جو  قلم  سے  کر سکتا  ہوں  وہ  قلم  سے  کرے ۔ ارشاد  باری  تعالیٰ  ہے ۔

اِنْفِرُوْا خِفَافًا وَّ ثِقَالًا وَّ جَاهِدُوْا بِاَمْوَالِكُمْ وَ اَنْفُسِكُمْ فِيْ سَبِيْلِ اللّٰهِ١ؕ ذٰلِكُمْ خَيْرٌ لَّكُمْ اِنْ كُنْتُمْ تَعْلَمُوْنَ۰۰۴۱  (۴۱)  سورة التوبة

ترجمہ:نکلو‘خواہ ہلکے ہو یابوجھل اور جہاد کرو اﷲتعالیٰ کی راہ میں اپنے مالوں اور اپنی جانوں کے ساتھ ‘یہ تمہارے لئے بہتر ہے اگرتم جانو۔

اس  مضمون  کی  تیاری میں استفادہ  حاصل کیا  گیا:

1.        پروفیسر ڈاکٹر فضل الٰہی کی کتاب : جھوٹ کی سنگینی اور اس کے اقسام

2.        فضیلۃ الشیخ محمد اقبال کیلانی کی کتاب: توحید اور دینِ خانقانیت